رايح مع أبوي ع العرس بلبس بالزبط كيف بدو عشان ميستحيش
فيي : البنطلون رسمي وللبطن، القشاط اهم اشي! امي بتيجي تطمن انه اخترت قميص
مش إشي تاني وكندرة عشان ابوي يشوفها بتلمع بمسحها من الغبرة بشريطة عليها مي.
*
إمي شافتني بس جهزت ارتاح قلبها: بس ارفع البنطلون حبيبي شواي.
*
اللبس مش كتير ساعد أبوي يروق مع إنه هوي الي أصر آجي معه.
ضل بباله إنه ماخد معه ع الوليمة فضيحة كبيرة: ابنه النباتي.
*
وصلنا: بُست ٦ بوسات مكنتش ببوسهم ولا بمليون دولار.
٣ للعريس، و٣ لأبوه
*
مليت الصحن رز وبزيلا مع جزر ودرت عليها لبن وخصوصي
مخليتش فيو محل، ع الطاولة قاعدين ٧ واحد بعرفه هوي أبوي و٥ بعرفهمش الزلمة لختيار
قام من السدر شقفة كباب وحطها بنص صحني.
*
ابوي ضوا احمر.
بلعت ريقي: " شكراً عمي ".
*
*
ابوي ضوا احمر.
بلعت ريقي: " شكراً عمي ".
*
لما قام الزلمة الختيار عن الطاولة زتيت الكباب بصحن ابوي
*
أبوي ضحك.
"ارفع البنطلون حبيبي شوي "
ردحذفكمان شوي
:)