هاي هيي نكبتنا تفاصيلنا اليومية، الاحداث الزغيرة ولكبيرة يلي بتصير معنا تقريبا كل وهلة وبتذكرنا انه في هزيمة عايشة جواتنا وبتنهش بلحم قلوبنا.
نكبتنا ولد بنقتل ب ٦ رصاصات بيوم عيد ميلاده، نكبتنا تفتيشي لاني عربي وبس. نكبتنا عامل البناء العربي والعرق ال عجبينه، الشب الي سالته بالعبراني ومعرفش يرد علي فاستحيت من حالي كيف افترضت انه مش عربي. نكبتنا معاق الجيش الي كان قاعد حدي بالقطار ويحكي عن بطولاته في قتل الارهابيين، نكبتنا البيت القديم الشبابيكه مقوسين وع شرفته لافتة عنصرية ، ريحة قهوة عيليت، ومحل الحمص فول بتل ابيب.
نكبتنا
انا مش عم نتعود. وهادا الاشي الي بيتمزع من جوا.
هاي التفاصيل اليومية
وشعورنا بالعجز حيالها.
ليست هناك تعليقات:
إرسال تعليق