 |
| المنشر |
تفكروش هاي العاصفة أجت علينا هيك لحالها لأنه فصل الشتا وضروري
تشتّي. هاي العاصفة الي صرلها أكمن يوم إلها سبب رباني. حتى ربّاني جداً وهوي إني
يوم الجمعة بالليل نشرت الغسيلات عالمنشر برة بالساحة!
صحيت عليها يوم السبت زاخّة... لميت الاواعي الي طاروا رجعت علقتهم قلت بهمش بكرا بتصحى.... موقفتش. روحت من الشغل يوم الأحد لقيت المنشر مكسور من الهوا والمطر والأواعي واقعين عالأرض.. كمان مرة قلت بهمش ورحت اشتريت كمان منشر وعلقت الاواعي عليه..
بس فش ضلت تشتي!
الايام عم تمرق والمطر مش عم يوقف.. الأواعي الداخلية عم تخلص من لخزانة وبطّل فيها.. مبيرح قلت لحالي: خلص محمود صار بدها حل جذري. طلعت عصرت الأواعي.. فوّتّ المنشر ع الدار.. ورجعت نشرتهم جوا.
اليوم مشتّتش كل النهار، بس الصبح شتّت علي ونا طالع ع الشغل. وطبعا رغم السقعة اليوم كان في أكم ساعة شمس مناح بنشفوا الغسيلات وصاحبهم.. كل نهاري وهمي ببالي وقبل شوي لما روحت أول إشي عملته لما فتت ع الدار إني عسّيتهم.
كانوا بعدهم رطبين.
غسيلاتي كانوا ورا تسكير القدس وتعطيل معظم شوارعها. غسيلاتي كانو السبب ورا الفياضانات بباقة وبالطيبة وباقي أطراف الوطن. غسلاتي نفسهم كانوا السبب بمقتل 23 مصري، فلسطينيين وستة لبنانية هادا غير حوادث الطرق والطلاق وأكثر من مليار دولارخسائر تكبدتها الدولة الإسرائيلية. ع الأقل هادا اشي واحد يدعو للتفاؤل.
المهم إسا إيش رايكو أرجع أطلع المنشر برا.. وأخليها تزخ عليكو كلياتكو؟ :-)
صحيت عليها يوم السبت زاخّة... لميت الاواعي الي طاروا رجعت علقتهم قلت بهمش بكرا بتصحى.... موقفتش. روحت من الشغل يوم الأحد لقيت المنشر مكسور من الهوا والمطر والأواعي واقعين عالأرض.. كمان مرة قلت بهمش ورحت اشتريت كمان منشر وعلقت الاواعي عليه..
بس فش ضلت تشتي!
الايام عم تمرق والمطر مش عم يوقف.. الأواعي الداخلية عم تخلص من لخزانة وبطّل فيها.. مبيرح قلت لحالي: خلص محمود صار بدها حل جذري. طلعت عصرت الأواعي.. فوّتّ المنشر ع الدار.. ورجعت نشرتهم جوا.
اليوم مشتّتش كل النهار، بس الصبح شتّت علي ونا طالع ع الشغل. وطبعا رغم السقعة اليوم كان في أكم ساعة شمس مناح بنشفوا الغسيلات وصاحبهم.. كل نهاري وهمي ببالي وقبل شوي لما روحت أول إشي عملته لما فتت ع الدار إني عسّيتهم.
كانوا بعدهم رطبين.
غسيلاتي كانوا ورا تسكير القدس وتعطيل معظم شوارعها. غسيلاتي كانو السبب ورا الفياضانات بباقة وبالطيبة وباقي أطراف الوطن. غسلاتي نفسهم كانوا السبب بمقتل 23 مصري، فلسطينيين وستة لبنانية هادا غير حوادث الطرق والطلاق وأكثر من مليار دولارخسائر تكبدتها الدولة الإسرائيلية. ع الأقل هادا اشي واحد يدعو للتفاؤل.
المهم إسا إيش رايكو أرجع أطلع المنشر برا.. وأخليها تزخ عليكو كلياتكو؟ :-)
ليست هناك تعليقات:
إرسال تعليق