- سنة ال 98 بانتخابات
الكنيست كنت أأيد شمعون بيرس، كان عمري 10 سنين بالزبط، وعلقت صورته ع شباك الدار.
أبوي طوالي أجا قامها.
- ونا زغير كان سيدي عنده مكينا زغيرة بثلاث عْجال. لما كنا نطلع فيها سوا كان يحكيلي هاي صرفند وهاي كفر
لام وهاي عين غزال وهاي الطنطورة.
- من كم يوم روحّت بنت أختي من المدرسة أجت لعندي بسرعة منفعلة، تحكيلي
إنه في بسّة اندهكت على حبلة المدرسة. حكتلي
عنجد عنجد شو رايك نروح نساعدها؟ ها؟
- ونا زغير مكنتش فاهم ليش أبوي بأيد فرنسا بلعبة الفوتبول مع إسرائيل.
- بالانتفاضة الثانية الغاز المسيل للدموع الي ملّا البلد وصوت الرصاص
فهّمني شو كان كصد سيدي.
- اليوم الصّبح ونا طالع ع الشغل، شفت بنص الشارع بسّة مدهوكة وميتة والسيارات
عم تمرق من فوقيها.
نص ضعيف
ردحذف