.JPG) |
| الفريديس |
في شغلة مكنتش راكبة ع راسي وأنا صغير
خاصة لما كنت أطْلَع ع " زخرون يعكوف - المدينة اليهودية" يلي حد
لفريديس كنت أشوف مساحات شاسعة وشجر وجناين بين كل بيت وبيت.. أما بقريتنا فلبيوت
كلياتها ملتصقة ببعضها كأنه البلد خلقت هيك، شقفة بطون وحدة.
هادا على النقيض من شو علمونا بالابتدائية بحصة
"الموطن" إنه وحدة من الفروقات الأساسية بين القرية والمدينة هوي قُرب
المسافات بين لبيوت بالمدن ، وبُعدها بين لبيوت.. بالقرى.
بشي بمرحلة لاحقة فهمت إنه المعلومة يلي علمونا
ياها بحصة "الموطن" مش غلط شيلي!، مخصوص بعد معرفت إنه بزخرون يعكوف ساكنين
٢٠ الف شخص ع مساحة ٣٢ الف دونم، وبالفريديس ساكنين ١١ الف شخص على ٢ ونص دونم بس!
بالنتيجة
زخرون ممكن تكون قرية وممكن مدينة ويمكن تقوم عليها دولة مش فارقة... بس الأكيد
انه لفريديس هي لا مدينة. .. ولا قرية
بشي
صبح فقت واطلعت حوالي وفجأة فهمت إنه انا كبرت ب غيتو..
أنا كبرت بغيتو ! ومش فاهم ليش لحد هديك اللحظة محدا قلي
أنا كبرت بغيتو ! ومش فاهم ليش لحد هديك اللحظة محدا قلي
ليست هناك تعليقات:
إرسال تعليق