 |
| لما نزلت من القطار - تل أبيب |
لإنه من دون واجبات فش حقوق!
شعار واحد من الاحزاب الاسرائيلية في انتخابات الكنيست وموجه للفلسطينيين بالداخل.. مبيرح مع نزلتي من القطار بلاحظ الشعار على جوانب الباصات.. اليوم الصبح لاحظت تواجده كمان على كثير من الباصات الي بتلف أرجاء تل ابيب.
باختصار من دون متخدم بالجيش فش حقوق والسؤال هون اي حقوق يابا ؟
الحق في الملك والمسكن مثلا؟. ما ضل ولا بلدة وولا حارة الا ووزارة الداخلية هدمت قسم من بيوتها.. والا الحق في الخصوصية الي المخابرات لاعنة ابوها؟ والا الحرية الي بتحكوا عنها يلي نتيجتها بيقضي٣٥٠ معتقل اداري من دون محاكمة في السجون الاسرائيلية?، اه اكيد قصدكم المساواة... المساواة يلي بسببها الفلسطيني بيتفتش بالمطارات وبمحطات القطار بطريقة مذلة واليهودي تقريبا بيتفتشش. المساواة الي نتيجتها انه البلدات اليهودية والمستوطنات بتتوسع وبتزيد بطريقة هائلة والقرى العربية بتتصادر أراضيها. المساواة الي نتيجتها انه كل شغلة بدك تشتغلها لازم تكون عامل جيش قبل هيك يا بتشتغلش!... اه معناها هيي هاي لمضايقتكم وبدكم توخدولنا اياها..اي منشان النبي توخدولنا المساواى تبعيتكم منشان ألله خدولنا هلحقوق وريحونا منها !
...
بس استنوا خلوني اخبركم شغلة مهمة ! حقوقنا الي خلقنا معها ولا مرة رح نيجي ونطلبها منكم .. لحقوق اصلا بتنعطاش .. انما بييجي يوم ومنقتلعها من بين سنانكم.
ويلا إدحل إنتِ ويّا.
أبداع !
ردحذف