 |
| إحدى لوحات الفنّان محمد سباعنة |
قضية الأسير X كمان دليل على مدى تفاهة وسطحيّة إعلامنا العربي،
مش بس الإعلام العربي إنما كمان الجمهور العربي عموماً يلي بيأكد يوم بعد يوم تبعيته
لإملاءات المؤسسة الصهيونيّة.
صباح الخير يا إعلامنا العربي، يعني كان لازم الإعلام الإسرائيلي
يصحّيك ع حدث صار قبل سنتين منشان يصير خبر صفحاتك الأولى؟ والا هوي كل وظيفتك
اتّرجم شو الإسرائيلي بيكتب؟ طيب هاي أسير على ما يبدو شارك باغتيال المبحوح انتحر
أو انقتل بعرفش وعم تعطيه صفحاتك الرئيسية رغم إنه الحكي قبل سنتين!. طيب شو مع
الأسرى الفلسطينيين الخمسة المضربين عن الطعام اليوم! يلي سجّلوا أطول إضراب في تاريخ البشرية؟؟ طيب ع القليلة اكتبوا عنهم إنهم فاتوا موسوعة جينيس للأرقام
القياسية يا عمي، منتو كل يوم بتكتبوا عن أكبر صحن حمّص في العالم وأطول سندويشة وأزكى
بوظة! بنفعش تكتبوا عن أطول جوع بالبشرية؟ عن أعظم كرامة انسانية؟.
المشكلة مش بس بإعلامنا، المشكلة الأكبر هي إنّا كجمهور منسمح للإعلام
الإسرائيلي يحدّدلنا بشو نفكّر. الإعلام الإسرائيلي الحرّ التابع للمؤسسة
الصهيونية المجيدة بعرف بالزبط لوين يوجّه أنظارنا ونحنا بننساق وراه بينما هو
بدوره بمارس أبشع أنواع الاضطهاد والتنكيل بحق شعبنا. مين سمع عن اعتقال رسام
الكاريكاتير محمد سباعنة مبيرح؟ ليش القدس العربي بأحد أخبارها الرئيسية كاتبة "الجيش
الاسرائيلي" (الحنون) "يؤكد إسعاف مصابين سوريين في الجولان". ليش
نسيوا محمد سباعنة وسامر العيساوي وأيمن شراونة وطارق قعدان وجعفر عز الدّين ويوسف
شعبان؟
ليش؟
ليست هناك تعليقات:
إرسال تعليق